د خوړو او درملو ملي ادارې سرپرست د بلخ ولایت له محترم والي سره وکتل؛ 

د خوړو او درملو ملي ادارې سرپرست د بلخ ولایت له محترم والي سره وکتل؛ 
۱۲/۱۰/۱۴۴۵ هـ ق
د افغانستان د خوړو او درملو ملي ادارې، سرپرست ډاکټر صاحب عبدالباري "عمر" او مل پلاوي شمال ولایتونو ته د خپل سفر په ترڅ کې نن یکشنبه د روان ۱۴۴۵ هـ ق کال د شوال د میاشتې په ۱۲ نیټه د بلخ ولایت له محترم والي الحاج ملا محمد یوسف "وفا" سره وکتل.
په دغې کتنه کې د خوړو او درملو ملي ادارې، د اهمیت، کارونو او فعالیتونو د پراختیا، او په بلخ ولایت کې د خوړو او درملو د ریاست د کارونو په اړه بحث او خبرې وشوې.
په یاده لیدنه کې ډاکټر صاحب عبدالباري "عمر" د یادې ادارې ارزښت ته په اشارې سره وویل چې په راتلونکي کې به د بلخ ولایت د خوړو او درملو د ریاست تشکیل زیات کړي، نوموړي ژمنه وکړه، چې د خوراکي توکو یوه عصري او معیاري لابراتوار به هم په نیږدي وختونو کې یاد ولایت کې جوړ کړي.
پر همدې مهال د بلخ ولایت محترم والي ښاغلي "وفا" یاد پلاوی ته د ښه راغلاست ترڅنګ د خوړو او درملو ملي اداره د هېواد په کچه یوه مهمه اقتصادي او حیاتي اداره وبلله، نوموړي زیاته کړه چې په بلخ ولایت کې د یادې ادارې د خوړو او درملو د ریاست له فعالیدو سره سم په دغه ولایت کې د خوړو او درملو د کیفیت او خوندیتوب په برخه کې تر ډېره مثبت تغیرات راغلي دي او په راتلونکي کې یې د پوره همکارۍ ډاډ ورکړ.