د خوړو او درملو معین د غور ولایت د روغتیايي سیستم د ارزونې په موخه یاد ولایت ته سفر وکړ؛
د خوړو او درملو معین د غور ولایت د روغتیايي سیستم د ارزونې په موخه یاد ولایت ته سفر وکړ؛
۲۸/۱۱/۱۴۴۵ هـ ق
د عامي روغتیا وزارت د خوړو او درملو معین الحاج ډاکټر صاحب عبدالباري "عمر" نن پنجشنبه د روان ۱۴۴۵ هـ ق کال د ذوالقعدې د میاشتې په ۲۸ نیټه غور ولایت کې د وروستیو سیلابونو د راوتلو څخه وروسته د یاد ولایت د روغتیايي سیستم د ارزونې په موخه دغه ولایت ته سفر وکړ.
نوموړي د خپل سفر په ترڅ کې د یاد ولایت له محترم والي مولوي احمد شاه "دین دوست " سره وکتل او د وروستیو سیلابونو د راوتلو له امله یې د اغیزمن شویو کورنیو سره خپل ژوره خواشینې او ډاډ ګیرنه شریکه او د خوړو او درملو معینیت له لورې راټوله کړې ۳۴۱ کارتنه مختلف ډول د درملو مرسته چې په مجموعي ډول ۲ ټنه کیږي تسلیم کړه.
ښاغلي "عمر" د خپل سفر په ترڅ کې د غور له محترم والي ښاغلي "دین دوست" په ملتیا د یاد ولایت د وروستیو سیلابونو د راوتلو له امله د اغیزمن شویو سیمو او دغور ولایتي روغتون څخه لیدنه وکړه او د یادو سیمو له اوسیدونکی سره یې په دغې غمیزه کې ځان شریک وباله او له هغو سره یې خپل خواشیني او ډاډ ګیرنه شریکه کړه او هلته یې د روغتايي مسؤولینو ستونزې او مشکلات واوریدل او د حل ډاډ یې ورکړ.
