په کندهار ولایت کې د ورځنۍ څارنې په ترڅ کې 1000کیلو بې کیفیته او غېر معیاري درمل او خوراکي توکي ترلاسه شول

په کندهار ولایت کې د ورځنۍ څارنې په ترڅ کې 1000کیلو بې کیفیته او غېر معیاري درمل او خوراکي توکي ترلاسه شول؛
1445/08/27 هـ ش
په کندهار ولایت کې د خوړو او درملو ملي ادارې، ریاست له درملیزو او خوراکي تاسیساتو څخه د څارنې ټیمونو د تېرې پنجشنبې په ورځ د روان 1445هـ ق کال د شعبان د میاشتې په 25نیټه د یاد ولایت 12ناحیې اړوند له 5بابه درملیزو او 10بابه خوراکي تاسیساتو څخه څارنه کړې، چې په نتیجه کې 62کارتنه مختلف ډول بې کیفیته، تارېخ تېر او غېر معیاري درمل او خوراکي توکو چې مجموعي وزن یې 1ټن کیږي ترلاسه او د لمنځه وړلو په موخه یې په یاد ولایت کې د خوړو او درملو ملي ادارې د ریاست ودانۍ ته انتقال کړل.