د ننګرهار مرستیال والي په یاد ولایت کې د خوړو او درملو ملي ادارې د ریاست څخه د لیدنې په ترڅ کې د یاد ادارې کارونه او فعالیتونه وستایل
د ننګرهار مرستیال والي په یاد ولایت کې د خوړو او درملو ملي ادارې د ریاست څخه د لیدنې په ترڅ کې د یاد ادارې کارونه او فعالیتونه وستایل؛
۱۲/۷/۱۴۴۵
د ننګرهار مرستیال والي محترم مولوي سعيد احمد بنوري او مل پلاوي پنجشنبه د روان ۱۴۴۵ هـ ق د رجب د میاشتې په ۱۲ نیټه په یاد ولایت کې د خوړو او درملو ادارې د ریاست څخه ليدنه وکړه.
په دغې لیدنه کې د ننګرهار ولایت لپاره د خوړو او درملو ملي ادارې رییس ښاغلي حافظ عبدالحی عباس د خپلو کارونو په اړه هر اړخیز د معلومات شریک کړل او زیاته یې کړه هڅه کوو ترڅو هېوادوالو ته ښه ، صحي او با کیفیته خواړه او درمل وړاندې شي.
ښاغلي عباس په یاده لیدنه کې د ننګرهار مرستیال والي سره د نورو ستونزو، مشکلاتو او وړاندیزونو ترڅنګ د ودانۍ د نشتون په اړه هم خپله ستونزه شریکه کړه.
د ولايت مرستيال مولوي سعيد احمد بنوري د خوړو او درملو ملي ادارې د کړنو ستاينه وکړه او د يادې ادارې رئيس ته يې ډاډ ورکړ چې د ستونزو او وړانديزونو په حل کې به يې قانوني اجرات تر سره کړي.
په ورته وخت ښاغلي حافظ عبدالحی عباس د هغو د راتګ څخه مننه وکړه او زیاته یې کړه چې د مشرانو راتګ موږ ته لا روحیه راکوي ترڅو په خپلو کارونو کې ګړندي شو.
