د خوړو او درملو معین د Relief International مؤسسې له مرستیال او مل پلاوي سره وکتل؛

د خوړو او درملو معین د Relief International مؤسسې له مرستیال او مل پلاوي سره وکتل؛
۴//۱۴۴۶ هـ ق
د عامي روغتیا وزارت د خوړو او درملو معین ډاکټر صاحب عبدالباري عمر نن چهارشنبه د روان ۱۴۴۶ هـ ق کال د محرم د میاشتې په ۴ نیټه په خپل کاري دفتر کې په افغانستان کې د Relief International مؤسسې له مرستیال ښاغلي مارک ویلمام او مل پلاوي سره وکتل.
په دغې کتنه کې د افغانستان د درملو توریدي شرکتونو پر ظرفیت لوړونې بحث او خبرې ترسره شوې، چې څنګه کولی شو د درملو او روغتیايي محصولاتو توریدي شرکتونو ظرفیت لوړکړو،  ترڅو هېواد ته باکیفیته درمل او روغتیايي محصولات را وارد کړي او د انتقال، تذخیر، او توزیع پروسه یې په ملي او بین المللي معیارونو سره سمه برابره شي.
په پای کې دواړو لورو پر همدې پریکړه وکړه چې یاد اقدام ته به عملي جنبه ورکړي.